(سعودی عرب ( سعودی وزارتِ حج وعمرہ نے کہا ہے کہ’ مملکت میں کسی بھی ویزے پر آنے والوں کو عمرہ ادا کرنے اجازت ہے۔ مملکت کے وژن 2030 اہداف میں زائرین کو ہرممکن سہولت فراہم کرنا سرفہرست ہے۔‘
سعودی خبررساں ایجنسی ایس پی اے کے مطابق وزارت کی جانب سے جاری بیان میں کہا گیا کہ ’کسی بھی ملک سے وزٹ، فیملی وزٹ، الیکٹرانک سیاحتی ویزے یا ٹرانزٹ ویزے پر آنے والوں کو کسی بھی وقت عمرہ ادا کرسکتے ہیں-

ام القری یونیورسٹی حج، عمرہ و وزٹ ریسرچ فورم کی میزبانی کرے گی
’اس امر کی کوئی ممانعت نہیں بلکہ دنیا بھر سے آنے والے مسلمانوں کو اسلامی ارکان ادا کرنے میں ہر ممکن سہولت فراہم کرنا مملکت کا اہم ترین مقصد ہے۔‘
وزارت نے واضح کیا کہ’ حال ہی میں ’نسک عمرہ‘ پورٹل کو اپ ڈیٹ کیا گیا ہے جس کا مقصد عمرہ زائرین کو براہ راست ہر ممکن سہولت فراہم کرنا ہے تاکہ وہ ڈیجیٹل چینل کو استعمال کرتے ہوئے باسانی عمرہ پرمٹ کے علاوہ دیگر سہولتیں حاصل کرسکیں۔‘
واضح رہے سوشل میڈیا پر یہ اطلاعات گردش کررہی تھیں جن میں کہا جارہا تھا کہ صرف عمرہ ویزے پر آنے والوں کو ہی عمرہ کرنے کی اجازت ہے۔ وزٹ یا سیاحتی ویزے پر آنے والوں کو نسک کے ذریعے پرمٹ جاری نہیں کیا جاتا۔